Lista de convocados Huesca - Celta

O adestrador do Real Club Celta, Pepe Murcia, facilitou esta mañá a lista de convocados para o partido deste domingo ante o Huesca (O Alcoraz, 17.00 horas), unha convocatoria de 18 futbolistas na que non figuran por decisión técnica Fabiano, Danilo, Lucas e Roberto Lago. Borja Oubiña é baixa por lesión e é tamén salientable a volta de Maris despois de dous partidos sin sequera ir convocado.

Asi pois esta é a lista:

Porteiros: Falcón e Notario

Defensas: Peña, Rubén, Noguerol; Fajardo, Edu Moya.

Medios: Rosada,Trashorras, Michu, Vila, Abalo, Óscar Díaz e Renán

Dianteiros: Ghilas, Maris, Dinei, e David

Celta 2 - 1 Tenerife

Chegaron os primeiros goles, o primeiro triunfo, a primeira alegría. O Celta derrotou ao Tenerife con dous goles de Ghilas e sacudiuse de golpe as dúbidas e os temores que o torturaban desde o comezo da competición. Os celestes protagonizaron un bo arranque de partido e logo de baleiraron en labores de contención, cun sacrificio e un despregamento físico enormes. Os de Pepe Murcia recibiron ademais o firme apoio da súa afección para superar os momentos de dificultade.

O Celta plantouse de entrada nun partido marcado no ánimo do vestiario como o do rexurdir con Óscar Díaz en banda esquerda, Ghilas no costado dereito e Trashorras de enganche, unha liña de creación de gran mobilidade e capacidade de perforación.
Le a noticia »

Lista de Convocados: Celta - Tenerife

Pepe Murcia fixo publica a lista de convocados para o partido do vindeiro domingo en Balaídos, a xa coñecida baixa de Oubiña por lesión hai que engadir tamén as de: Fabiano, Danilo, Lucas e a sorprendente de Maris posto que este último apuntaba a titularidade polo visto esta última semana, tamén convén sinalar a volta de Roberto Lago logo de dúas xornadas fora das convocatorias por decisións técnicas, e tamén a de Trashorras logo da exclusión da pasada semana.

Asi pois a lista de convocados e a seguinte:

Porteiros: Notario e Falcón

Defensas: Lago, Rubén, Noguerol, Peña, Fajardo e Moya

Medios: Rosada, Trashorras, Oscar Díaz; Michu, Vila,  Abalo e Renán

Dianteiros: Ghilas, David e Dinei

Murcia non o ten claro

O técnico cordobés Pepe Murcia semella todavía non ter un once tipo e non saber o esquema a emplear. Ata o de agora, un total de 20 xogadores, dos 23 que compón o plantel celeste, participaron nestas catro primeiras xornadas de Liga. Tan só Falcón, o “indultado” George Lucas e o mancado Oubiña non xogaron ningún minuto. No outra cara da moeda están Notario, Edu Moya e Rubén que xogaron todolos minutos.

Por outra banda, segue a sorprender a escasa utilización de algúns xogadores como Michu, Danilo (o único xogador específico de banda esquerda) ou Verpakovskis (máis tendo en conta a falta de gol nestas primeiras xornadas e que chegou como unhas das fichaxes estrelas). Esperemos que Murcia atope cedo o seu “once tipo” e o equipo comece acadar uns resultados máis positivos.

Eibar 0 - 0 Celta

O Celta estreou o seu casilleiro cun deslucido empate en Ipurúa ante o combativo Eibar. Un punto que frea a escalada de terror na que o equipo convertera o arranque ligueiro pero que non despexa en absoluto as desasosegantes dúbidas que se ciernen sobre o grupo que dirixe Pepe Murcia, que volveu ofrecer unha imaxe lastimosa. Tan só a solidez de Notario, que salvou ao equipo con dous formidables estiradas no segundo tempo, impediu que o equipo vigués encadease unha cuarta derrota. Porque o Eibar puxo a ambición e o xogo e o Celta, privado de talento por decisión técnica, apelou ao músculo como vía de redención. Se non podes gañar, o mellor é non perder e con esta idea expuxo Murcia un partido no que a melloría defensiva non enmascara os colosais problemas deste equipo á hora de dar sentido ao xogo e a súa alarmante falta de pegada: catro partidos, cero goles. Le a noticia »

Trashorras queda fóra da convocatoria

Sorpresa maiúscula en Casa Celta. O adestrador do Celta, Pepe Murcia, pechou de callo os rumores e polémicas surxidas ao longo da semana en torno ao mediapunta Roberto Trashorras e deixouno fóra da convocatoria. O adestrador celeste deixou tamén fora da lista a Roberto Lago (sorpresa menor) e George Lucas.

A lista de convocados para o partido de Eibr é a seguinte:

• Porteiros: Falcón e Notario.
• Defensas: Peña, Rubén, Fajardo, Noguerol, Fabiano e Edu Moya.
• Centrocampistas: Rosada, Danilo, Óscar Díaz, Vila, Michu, Abalo e Renán.
• Dianteiros: Ghilas, David Rodríguez, Verpakovskis e Dinei.

Clásico na Copa do Rei, Celta - Real Sociedade

O sorteo da terceira rolda da Copa do Rei deparou un partido grande, un choque que desde fai uns anos adquiriu unha dimensión diferente, a condición de encontro especial. O 8 de outubro, o Real Club Celta recibirá no estadio de Balaídos á Real Sociedade nunha rolda de torneo que se disputa aínda a partido único. O técnico céltico Pepe Murcia destacou a relevancia deste partido entre dous grandes equipos e por suposto celebrou que o escenario sexa Balaídos.

Pepe Murcia sinalou que “como en calquera outro partido, intentaremos gañar, sairemos con esa intención” e reiterou que o Celta “competirá” na Copa do Rei, torneo que non desdeña en absoluto. O adestrador cordobés subliñou que se trata dun encontro moi complicado dado o potencial do rival, pero insistiu en que os seus porán todo o seu empeño en superar a eliminatoria, que afrontan con ilusión e coa idea de ofrecerlle unha vitoria balsámica á súa afección.

Le a noticia »

Arenteiro 0 - 4 Celta

O Celta ofreceu un bo espectáculo en Carballiño no amigable organizado para a celebración do 50 aniversario do C.D. Arenteiro. Pepe Murcia deulle de entrada protagonismo aos non habituais, que gozaron de minutos de xogo nun partido que acabou con goleada celeste e rexistrou un bo ambiente na poboada bancada do Espiñedo. David, Verpakovskis, Renán e Dinei foron os anotadores.

Le a noticia »